l'écourcheux de m'gra mère
l’écourcheux de m’gra mère
Te t’ramatuvince ed’l’écourcheux de t’gra mère ?
Sin premi usache ch’étot ed’protéger
S’rope in d’sous, mais in puque de cha :
- I servot ed’ manique pou tirer eul poële brûlante du fu
- I servot pour ressuyi les larmes des infants et,
- à certaines occasions, pou nettii les frimousses salies.
- Ed’ pus dins l’poulailli,s’n’écourcheux
- servot à rapporter les eués,
- Les pouchins à rinvitchi, et alfos
- les eués findus qui
- finichottent dins l’four.
- Tchand qu’in avot des visites
- l’écourcheux abritot eul’z’ infants timites
- Et tchand que l’air étot fraiche
- m’ gra mère se n’d’inmmitouflot ses bras
- S’bon vi écourcheux agité d’seur l’ fu ed’ bos
- rimplachot eul’ soufflet.
- Ch’est li qui transbahutot les pin’tières et l’ bos sec
- jusqu’à dins l’tchusine .
- Depus l’ potager, I servot ed’ painni pou gramint
- d’ lédjumes :
- Après eul’ récolte des p’tits pos,
- venot eul tour des choux ;
- A l’fin de l’saison , I- yétot là pou ramasser
- les peumes tchiétes ed’ l’arpe .
- Tchand qu’in.ne sétchi arrivot ed’ subi ,
- ch’étot surprenant ed vir aveuc tcheulle rapidité
- s’ vi écourcheux pouvot faire les poussires.
- A l’heure du r‘pas
- gra mère allot su’l perron
- faire des seingn’s aveuc s’n’écourcheux , et les hommes
- dins les tchamps savottent d’ sitôt
- qui fallot passer à tape .
- gra mère s’in servot aussi
- pou poser eul’ tarte du four su
- l’tablette du cassis
- pou qu’elle arfroidisse :
- Ed nos jours , s’pétite file
- la met ainsin pou eul décongéler.
- I faudra bin des ainnées avant qu’in.ne sétchi invente
- In.ne séquo qui pourra rimplachi
- s’bon vi écourcheux qui servot à tant d’cosses à faire
Avril 2008 ( d’après un texte en français d’auteur inconnu )